ILOILO CITY – Nag-angkon sang positibo nga resulta ang ginpatigayon nga investment pitch ni President Ferdinand Marcos, Jr. nagikan sa pila sa mga world’s top business leaders nga iya nakaupod sa sidelines sang World Economic Forum sa Switzerland.
Suno sa Presidential Communications Office, gin-updan si Marcos sang pila ka mga chief executive officers kag investment experts sa isa ka panyapon sa Davos.
Lakip sa mga naka-upod sang presidente suno sa Presidential Communications Office amo si Luhut Pandjaitan, Coordinating Minister sang Maritime and Investment Affairs sang Republic of Indonesia; Andy Jassy, Chief Executive Officer sang Amazon; Zhang Yiming, Tiktok Founder; Jared Kushner, Founder sang Affinity Partners; Patrick Foulis, Editor-in-Chief sang Economist; Alan Jope, Chief Executive Officer sang Unilever; Bill Ford, Chief Executive Officer sang General Atlantic; Bahlil Lahadalia, Minister of Investment sang Republic of Indonesia; Dr. Bambang Susantono, Chairman sang ID New Capital City Authority; Arkhom Termpittayapaisith, Minister sang Thailand; Arsjad Rasjid, Chairman sang KADIN; Tony Blair, Executive Chairman sang Tony Blair Institute for Global Change; Dolf van den Brink, Chief Executive Officer sang Heineken; kag Rachel Lord, Head of Asia sang BlackRock, isa sa mga pinakadako nga investment firms sa kalibutan.
Ang iban pa nga Philippine delegates nga gin-imbtiar amo sanday Transportation Secretary Jaime Bautista kag House Speaker Martin Romualdez.
Magluwas sa pagpangaluyag sa mga investors, ginalauman nga ipakigbahin sang presidente ang economic gains sang pungsod kag ang ginaduso nga sovereign wealth fund
Si Marcos ang naka-schedule nga maghatag sang speech sa forum suobong nga adlae, Enero 18 oras sa Pilipinas.
