ILOILO CITY- Nagpabutyag sang pagka-alarma ang Iloilo Police Provincial Office sa volume ukon kadamuon sang iligal nga droga nga nagasulod sa probinsya.
Ini kasunod sang serye sang mga anti-illegal drug operations kun sa diin na-confiscate sang mga otoridad ang P2.5 million pesos nga balor sang iligal nga droga sa banwa sang Dumangas, kag P560,000 sa banwa sang Calinog.
Sa interview sang Bombo Radyo kay Police Colonel Ronaldo Palomo, iya ginpahayag nga nagikan sa Iloilo City kag Bacolod City ang iligal nga droga.
Apang suno kay Palomo, indi pa matul-id kun diin nga mga lugar sa Iloilo City naghalin ang mga ini.
Ginakabig naman ni Palomo nga positibo nga butang ang pagka-recover sang dalagko nga kantidad sang shabu bangud nagapakita ini nga epektibo ang intelligence community.
