ILOILO CITY – Wala sang may nasalbar nga gamit ang pamilya Nadera matapos ang nagluntad nga sunog sa Brgy. Sto. Niño Sur, Arevalo, Iloilo City.
Ang balay nga sadto anay bodega ang ginapanag-iyahan ni Bryan Nadera.
Sa interview sang Bombo Radyo kay Jin Lester Nadera, anak sang tag-iya, iya ginpahayag nga mahimo nga ang kuryente nga ginkitkit sang ilaga ang ginhalinan sang sunog.
Suno kay Nadera, madasig nga naglapta ang kalayo bangud nga himo sa light material ang ila balay.
Ginpahayag ni Nadera nga isa man sa mga rason sang paglapta sang kalayo amo ang mamadlos nga hangin.
Bangud nga wayang ang lugar, wala na naglapta ang kalayo sa kaiping nga mga balay.
