AJUY, ILOILO – Tuman ang pagpanginwala sang isa sa apat ka mga arestado nga nagapamakal sila sang boto sa Ajuy, Iloilo.
Ini matapos ang ginpatigayon nga police operation sang Iloilo Police Provincial Office (IPPO) sa Sitio Pangpang, Barangay Poblacion, Ajuy, Iloilo.
Sa interview sang Bombo Radyo kay Nemia Arellado, 58, isa ka Barangay Health Worker sa Brgy. Poblacion sang nasambit nga banwa, iya ginpahayag nga nahagadan lamang sila nga magbulig sa pagkampanya para sa isa ka kandidato.
Sa pagkamatuod suno kay Arellado, wala siya sang ihibalo sa ginapatu-pato sa ila nga nagapamakal sang boto kag wala man siya nakakilala kun sin-o ang kandidato nga ila ginaserbisyuhan.
Ginpahayag man sang natungdan nga nagapungko sila sang iya mga kaupdanan sa sulod sang isa ka compound sang hinali lang sila nga gindakop sang mga pulis.
Nahibalu-an nga magluwas kay Arellado, nadakpan man sanday Fe Dorban, 50, isa ka BHWsa Brgy. Poblacion, Solomon Ubay, 52, tanod sa Brgy. Poblacion kag Edwin Yamson, 59 sang nasambit nga lugar.
