ILOILO CITY – Nagdonar sang 1,000 ka mga face masks ang Iloilo Science and Technology University para sa mga frontliners sa COVID-19 pandemic sa probinsya sang Iloilo.
Sa interview sang Bombo Radyo kay Dr. Raul Muyong, Presidente sang Iloilo Science and Technology University iya ginpahayag nga madamo sang ginapatigayon nga inisyatibo ang unibersidad agud makabulig sa pag atubang sa nagapadayon nga krisis sa ikaayong lawas sa pungsod nga gintuga sang COVID-19.
Suno kay Muyong, nalakip man diri ang paghimo nila sang Aerosol box nga igapanagtag sa mga ospital sa syudad sang Iloilo kag sa iban pa nga probinsya sa Western Visayas.
Ang aerosol box ang mahimo magamit sang mga doktor mag intubate sa mga pasyente sang COVID-19.
Dugang sang natungdan, natalana man sila nga magpanagtag sang dugang pa nga mga face shields sa mga frontliners sa syudad kag probinsya sang Iloilo.
Santo sa pahayag ni Muyong, paagi sa ila magagmay nga inisyatibo kag lihok nagalaum sila nga dako ang mangin bulig sini sa pagbato sa nasambit nga balatian.
