Ginbuyagyag ni Liberal Party (LP) President kag Senator Kiko Pangilinan nga ginatinguhaan sang ila partido nga makapakig-angot sa pila ka posible nga presidential candidates kag incumbent senators agud nga makatukod sang coalition para sa 2022 national elections.
Lakip sa namensyonar nga mga pangalan amo sanday Manila Mayor Francisco “Isko Moreno” Domagoso, kag mga senador nga sanday Panfilo Lacson, Nancy Binay, kag Joel Villanueva.
Kinahanglan pa suno kay Pangilinan ang maid-id nga diskusyon kaupod si Domagoso kag ang nasambit nga mga senador agud nga makatukod sang formal coalition.
Sa subong, mga informal talks pa lang ang ginapatigayon suno sa senador.
Ang Liberal party amo ang partido ni former president Benigno Aquino III.
Halos anum ka tuig ini nga nagdominar sa pulitika sa Pilipinas apang nagsaylo ang iban nga miyembro sang partido sa Partido Demokratiko Pilipino–Lakas ng Bayan (PDP-Laban) kasunod sang pagdaug ni Presidente Rodrigo Duterte sang 2016 elections.
