ILOILO- Ginpakigbahin sang fastest sprinter sa Iloilo Schools Sports Council ukon mas kilala nga Integrated Meet 2019 ang iya sekreto sa pagpanguna sa hinampang.
Ini amo si Edna Magtubo, 15, grade 9 student sang Batad National High School.
Sa exclusive interview sang Bombo Radyo kay Magtubo iya ginpahayag nga naga ensayo ini sa pagdalagan sang grade 4 pa lang ini sa diin nakahampang naman ini sa Integrated Meet.
Suno kay Magtubo, naga ensayo lang ini sa pagdalagan sa duta sa diin nakatiil lang ini sadto.
Sa ulihi, gintinguhaan sini nga anadon ang iya kaugalingon nga naka spike shoes.
Si Magtubo ang nakakuha sang gold medal sa 800 meter , 1,500 meter kag 3,000 meter run kag 4×1 relay.
Luyag ni Magtubo nga mangin madinalag-on sa pagdalagan agud sa ulihi, mabangon ang iya pamilya sa kapigaduhon.
