Gin-athag sang National Bureau of Investigation (NBI) nga wala sila nagapagamit agud lagson lamang ang mga kritiko sang administrasyon ni President Ferdinand “Bongbong” Marcos, Jr.
Suno ini kay NBI Director Melvin Matibag matapos ang ila pag-raid sa KTV operation sa Pasig City nga naangot sa pamilya ni former Congressman Mike Defensor kag kasunod man sang pagdakop sa media personality nga si Jay Sonza nga ginapahayag nagpalapta sang peke nga medical information kaangot sa presidente.
Pahayag ni Matibag, halin sang gin-appoint siya bilang NBI Director sang Pebrero 19, nakapatigayon na sila sang 182 ka madinalag-on nga operasyon (as of May 1.)
Sa numero nga ini, nalakip lamang ang pamilya ni Defensor kag si Sonza bangud may yara sang warrant of arrest. Magluwas sa ila, wala na sang naangot pa sa pulitika suno kay Matibag.
“At doon po sa 182 na ‘to na sinasabi ‘nung mga tao na pulitika, ang political personalities lang po na nakilala na lumalaban sa gobyerno na nasama rito is Mike Defensor, ‘yung sa pamilya n’ya, at si Jay Sonza because of the warrant of arrest,” suno kay Sonza. “Other than that wala po. Kahit isa-isahan n’yo po ang listahan na ito,” dugang sini.
Ang paathag sang NBI Director ang kasunod sang mga kritisismo nga naga-sunod-sunod lang sila kay Marcos kag nagapamahog sa iya mga kritiko nga maghipos na lamang.#
