Sa pagpadayon sang transport strike nga ginahimo sang pila ka grupo sang drivers kag operators sa pungsod, ginpanindugan sang Land Transportation Franchising and Regulatory Board (LTFRB) nga indi “phaseout” ang ginahimo sang modernization program kundi pag-upgrade kag pag-rehabilitate sang traditional jeepneys.
Suno kay Chairman Teofilo Guadiz III, “It is not more of a ‘phaseout’ but more of an ‘upgrading’ of the jeepneys. We are merely rehabilitating the jeepneys and the possibility of a phaseout is very remote.”
Gin-athag man sini nga plano sang talatapan nga i-retain kun ano ang itsura sang traditional nga mga jeep apang subject pa para sa modifications sa Philippine National Standards (PNS).
Ginpahayag sini nga ang proposed modern jeepney nga nakapasar sa PNS ang nagabili sang P1.3 million nga mas barato sa P2.4 tubtub sa P2.6 million sang nagliligad nga tuig.
Una na nga ginpahayag ni Presidente Ferdinand “Bongbong” Marcos nga mas maayo kun inspeksyunon anay ang mga tradisyunal nga jeep kag pahanugutan lang anay nga makabyahe samtang sulod naman sa standards sang gobyerno. ##
