ILOILO CITY – Ginpagwa na sang Department of Foreign Affairs ang itinerary sa pagpadulong ni President Ferdinand “Bongbong” Marcos, Jr. sa Estados Unidos sa Septyembre 18 tubtob Septyembre 24.
Sa Septyembre 20, natalana nga mag-deliver sang speech ang presidente sa 77th United Nations General Assembly kag ini ang maga-focus sa nangin tikang sang gobyerno agud nga maka-recover nagikan sa pandemya.
Si Marcos ang maga-deliver sang speech ginabanta alas-3:15 sa hapon, New York time kag alas-3:15 sa kaagahon, Septyembre 21 sa Pilipinas.
Ang tema sang general debate subong nga tuig sa United Nations General Assembly amo ang “Watershed Moment, Transformative Solutions to Interlocking Challenges”.
Suno kay Department of Foreign Affairs Assistant Secretary Kira Azucena, lauman sa speech sang presidente ang mga butang nga makabig nga pagpanghangkat kag subong man ang mga solusyon agud nga ma-address ini kag ang nangin papel sang United Nations.
Ang statement ni Marcos ang posible nga lakipan man sang prayoridad sang administrasyon sa climate change, rule of law, kag food security.
Nagdangat sa 152 ka mga head of states ang magapasakop sa assembly.
Gina-finalize pa ang posible meeting ni Marcos kay US President Joe Biden.
Suno kay Azucena, naga-coordinate na ang Department of Foreign Affairs sa White House kag sa United State National Security Agency.
Suno sa ahensya, kalitan ni Marcos ang opurtunidad agud nga magpakigkita sa iban nga mga lideres sa New York.
Makigkita man siya sa mga key officials sang United Nations.
Natalana man ini nga magsapol sa United States Chamber of Commerce kag pila pa ka business groups sa Estados Unidos kag mangin sa Association of Southeast Asian Nations Business Council, kag sa United States-Philippine Society.
Ang economic briefing ang may katuyuan nga maka-attract sang investors, senior corporate executives, business analysts, kag academic think tanks.
Ang mga economic managers ang mahimo nga maka-upod sa mga private business leaders agud nga hambalan ang pila ka mga isyu.
Ini ang mangin opurtunidad agud nga ma-outline ang key economic priorities sang Marcos administration nga may special focus sa kun paano ma-expand kag mapabaskog ang Philippine-United States trade and investment relations sa tion sang iya administrasyon.
Ang delegasyon sang Pilipinas sa upcoming trip kag related meetings ang ginalakipan sang pinuno sang Department of Foreign Affairs, Department of Trade and Industry, Department of Finance, National Economic and Development Authority, kag Department of Migrant Workers.
May yara sang 20 tubtob 30 ka mga senior Philippine corporate executives suno kay Department of Foreign Affairs Assistant Secretary JV Chan Gonzaga.
Ang trip ni Marcos sa Estados Unidos ang kasunod sang iya state visits sa Indonesia kag Singapore sang Septyembre 4 tubtub 7.
Una na nga ginpahayag sang opisyal sa Estados Unidos nga mahimo nga magbisita sa ila pungsod si Marcos nga indi pag-arestuhon bangud nga ang mga heads of state ang may yara sang diplomatic immunity.
Si Marcos kag ang iya pamilya ang subject sang $353-million contempt order sa Estados Unidos may kaangtanan sa human rights class suit.
