ILOILO CITY – Nagmandu ang Defense Minister sang Japan sa militar sang pungsod nga maghanda sa pag-shoot down sang North Korean spy satellite sa tion nga magtupa ini sa ila nga teritoryo.
Sa mandu ni Defense Minister Yasukazu Hamada sa Self-Defense Forces, dapat nga maghanda na bangud posible nga magapagwa ini sang order nga nagaguba sang ballistic missiles.
Lakip sa mga pagpanghanda amo ang pag-deploy sang tropa sa southern prefecture sang Okinawa agud nga mahagan-hagan ang damages sa tion nga may magtupa nga missile.
Una na nga ginpahayag ni North Korean leader Kim Jong Un nga dapat nga maghanda na ang militar sa pag-lunsyar sang pinakauna nga spy satellite sang pungsod sa tion nga magpadayon ang threats nagikan sa Estados Unidos kag South Korea.
