Sa 433 nga gin-anunsyo nga nagdaog sa Grand Lotto 6/55 jackpot, yara na sa 150 ang nakaamat-amat kuha sang ila premyo sa Philippine Charity Sweepstakes Office (PCSO) main office.
Sa sini nga mga tagdaog, isa ka persona ang nakadala pauli sang doble nga premyo matapos ginpakita nga duha gid ang iya nga winning tickets.
Suno kay PCSO General Manager Mel Robles, sang gin-anunsyo sang Sabado sang gab-i nga 433 ka manugtaya ang nagdaog sa winning combination nga 09-45-36-27-18-54, naguwa nga duha sa winning bets ang ginapanag-iyahan sang isa lang ka persona.
Nakit-an man nga valid ang duha ka tickets kag gin-honor sang opisina. Buot silingon sini, indi 433 ka persona ang nagdaog kundi 432 gid lamang.
Ang jackpot prize balor P236,091,188.40 ang gin-tunga gihapon sa 433 base sa total number of winning tickets; buot silingon, ang bettor nga may duha ka tickets ang nagpauli nga doble ang premyo ukon yara sa P 1,090,490.
Nagpasalig ang PCSO nga i-share man ang istorya sang mga manugtaya nga amat-amat na nga nakakuha sang ila premyo.
Ginpahayag man sang talatapan nga atubangon nila ang imbestigasyon nga himuon sang Senado batok sa ginapahayag makaduluda nga pagdaog sang 433 ka manugtaya sa Grand Lotto 6/55 jackpot. ##
