ILOILO – Kaimulon ang isa sa mga gina tan-aw rason sang Kabataan partylist kun ngaa nagaka atrasado ang edukasyon sa pungsod.
Sa interview sang Bombo Radyo kay Crimson Labinghisa, sang Kabataan Partylist, iya ginpahayag nga wala ginahatagan sang importansya sang gobyerno ang edukasyon sang kabataan sa pungsod.
Suno kay Labinghisa, pila pa gid sa mga ginatudlo nila nga rason ang pagmahal sang mga balaklon ilabi na ang mga balayran sa eskwelahan nga kun tani wala na gina problema sang mga estudyante.
Dugang sang natungdan, nagapanawagan sila nga ihatag na sang gobyerno ang ginpromisa nila nga libre kag mas pinasangkad nga edukasyon para sa kabataan.
Gina agda man niya ang mga estudyante nga mangisog, maghulugpong kag manindugan agud ma untat na ang pagpang abuso sa ila nga kinamatarong.
