ILOILO CITY- Patay ang isa ka kadete sa isa ka maritime academy sa Laguna matapos ginsilutan sang ila opisyal.
Ang rason sang silot amo nga nag- thumbs up sign sa ila groupchat.
Ginkilala ang biktima nga si Vince Andrew Delos Reyes nga tumandok sang Oriental Mindoro kag nagsulod sa NYK-TDG Maritime Academy of the Philippines sa Calamba, Laguna para matuman ang handom nga mangin marino.
Base sa impormasyon,ginsilutan ang biktima paagi sa pagpaehersisyo nga ginalakipan sang 100 ka squat thrust, 100 ka pumping, kag star jump kun sa diin siya natumba.
Gindala sa infirmary sang academy ang biktima kag sunod nga gindala sa ospital apang gindeklarar nga dead on arrival.
Ginahulat pa ang resulta sang autopsy sa bangkay sang biktima.
Indi naman kumbinsido ang pamilya sang biktima nga wala sang foul play sa kamatayon sang ila nga himata.
