ILOILO – Nagaproblema subong ang banwa sang Janiuay kun diin makakuha ukon makabakal sang medical supplies kaangay nalang sang alcohol kag masks bangud kalabanan ang out of stocks na.
Sa interview sang Bombo Radyo kay Janiuay Sanguniang Bayan Member Bingbing Tan, iya ginpahayag nga halos nalibot na niya ang bilog nga syudad sang Iloilo apang wala gihapon siya sang mabaklan sang alchohol bangud kalabanan diri ang ubos na.
Suno kay Tan, ipanagtag kun tani nila sa mga pumuluyo ang mga hygeine kits kaangay nalang sang alcohol kag habon bilang kabahin sang ginapatuman nila sang preventive measures sa ila nga banwa batok sa Coronavirus Disease 2019.
Dugang sang natungdan, madamo pa ang wala nakabaton sang hygeine kits gani kinahanglan pa nila sang madamo nga stocks apang ginaproblemahan nila subong kun diin makabakal.
