Gin-aprubahan sang Kamara sa third and final reading ang hagna nga nagaduso nga ilubong sa Libingan ng mga Bayani ang ginakabig nga Pinoy sports heroes.
Sa plenary session, 196 ka mga mamalidha ang nagboto pabor sa House Bill 11229 ukon ang proposed “Commemoration of Filipino Sports Heroes Act.”
Sa idalom sang hagna, ang Filipino ‘sports heroes’ amo ang national athletes lakip na ang may yara sang disabilities nga naka-distinguish sang ila kaugalingon sa patag sang hinampang, may maayo nga paminatasan, kag may integridad.
Dala man diri ang mga may nadag-an nga medalya sa Olympics, Paralympic Games, ukon sa World Championship sa anuman nga professional competition nga sanctioned sang international governing bodies sang nagkalain-lain nga sports kag ginakilala sang Philippine Sports Commission kag Games and Amusement Board.
Lakip man diri ang Filipino athlete, coach, ukon trainer, nga yara sa Philippine Sports Hall of Fame.
Ang sports heroes dapat nga Filipino citizens by birth, apang nalakip man ang naturalized sa iban nga pungsod, apang naka-reacquire sang Philippine citizenship nga amo ang nagahimo sa ila bilang dual citizens.
