ILOILO CITY- Pamunuan sang force commander sang 2nd Iloilo Provincial Mobile Force Company ang Provincial Bantay Dagat Task Force.
Sa interview sang Bombo Radyo kay Provincial Administrator Dr. Raul Banias, iya ginpahayag nga si PLtCol. Abner Jordan amo ang maga-supervise sa nasambit nga task force kasunod sang mando ni Iloilo Police Provincial Office Director PCol. Ronaldo Palomo.
Suno kay Dr. Banias, paagi sini mas mapasangkad pa ang pagbantay kontra sa mga unauthorized, unreported nga iligal nga nagapangisda sa baybayon sang Iloilo.
Pangabay niya sa mga myembro sang task force, mag- coordinate gid sa commander agud wala sang mangin problema sa pagpatrolya.
Nagpasalig man ang natungdan nga madugangan ang kinahanghlanon nga gamit sang bantay dagat task force kaangay sang radio communication equipment kag Global Positioning System agud nga mangin efficient kag epektibo ang ila operasyon.
