ILOILO CITY- Nagalab-ot sa kapin 170,000 seats gikan sa nagkalain-lain nga World Cup stadiums ang igadonar sang Qatar ang para sa mga developing nations nga naga-develop sang ila sports infrastructure.
Suno kay Bombo Joseph Rivera,pagkatapos sang World Cup, gilayon nga umpisahan ang pag-dis-assemble sa mga stadiums.
Yari ang matabo sa mga stadiums:
Ang Al Janoub Stadium nga nahamtang sa Al Wakrah, kag may 44,325-capacity ang iga- reduce sa 20,000 seats kag ini nga mga bangko ang i-donar sa iban nga sporting projects worldwide.
Ang Lusail Stadium naman nga may 80,000-capacity ang i- convert sa unique community hub of schools, housing, shops, cafes kag health clinics bilang kabahin sang commitment sang Qatar para sa sustainable development.
Ang Stadium 974 ang iga- dismantle gid ang kabilugan kag ang materyales nga gin-gamit sa construction ang gamiton sa iban nga katuyuan kaangay sang pagpatukod sang pasilidad para sa local community.
Ang Education City Stadium naman nga may 44,667-capacity ang i- reduce sa 20,000 kag i- convert agud mangin facilities para sa Qatar Foundation community kag sa publiko.
Ang Al Bayt Stadium nga may 68,895-capacity ang pagamayon sa 32,000 seats kag himuon nga puluy-an sang Al Khor Sports Club.
Ang Khalifa International Stadium ang mangin stadium sang Qatar’s national team nga Al Annabi kag ang capacity sini ang ipabilin sa 45,857.
Ang Ahmad Bin Ali Stadium nga may 45,032-capacity ang buhinan sa 20,000 seats kag ang ginkuha nga mga pulungkuan ang ihatag sa football development projects sa iban nga pungsod.
Ang Al Thumama Stadium naman nga may capacity nga 44,400 seats, ang iga- reduce na lang sa 20,000 seats pagkatapos sang tournament.
