ILOILO CITY – Gin-dismiss sang Davao City Prosecutor’s Office ang kaso nga libel nga gin-file ni Pastor Apollo Quiboloy sang Kingdom of Jesus Christ church batuk kay anay senador Manny Pacquiao.
Sa anum ka pahina nga resolution, ginpahayag ni Prosecutor Jose Charito Cortez nga kulang ang ebidensya sang reklamo ni Quiboloy gani nga gin-dismiss ini.
Suno sa resolution, ginpahayag ni Quiboloy nga nagbuya sang pahayag si Pacquiao agud nga pakahuy-an siya kag insultuhon sa iya congregation kag sa general public.
Suno naman kay Ian Vincent S. Ludovice, isa sa mga abogado ni Pacquiao sang presidential campaign, sang nabaton nila ang notice nga nag-reklamo si Quiboloy, ginhambalan niya ang iya nga kliyente nga posible nga election related ang mga kaso kag dapat nga pabay-an lang.
Una na nga gin-dismiss sang Makati Prosecutor’s Office ang cyberlibel complaint nga gin-file ni Pacquiao batuk kay Quiboloy.
