Nagahilapit na mapasaka ang kaso nga plunder batok kay anay House Speaker Martin Romualdez bangud sa ginapahayag kaangtanan sini sa kickback scheme sa mga flood control projects sa Pilipinas.
Ini ang mismo nga ginkumpirma ni Ombudsman Boying Remulla, kahapon nga adlaw.
Suno sa iya, may ara na sang kinahanglanon nga mga ebidensya para sa kongresista kag yara na ini subong nagapaidalom sa preliminary investigation.
Nagabilin man ini sang pasalig nga siguraduhon nila nga maayo nga maplastar ang pagpasaka sang kaso antes ini nga i-file.
Si Romualdez amo ang isa sa pinakadako nga politiko nga gina-alegar yara sa likod sang kontrobersiya sang flood control sa Pilipinas.
