Mas manubo ang porsyento sang mga indibidwal nga nagtuyo mag-utas sang kabuhi sa pungsod sang tuig 2021 kumpara sa Singapore kag Australia.
Sa interview sang Bombo Radyo kay Dr. Ma. Lourdes Rosanna De Guzman sang National Survey for Mental Health and Well-being University of the Philippines, iya ginpahayag nga base sa ila pagtuon sang tuig 2021, nagwa 1 out 10 ka mga indidbiwal ang nagtuyo mag-utas sang kabuhi sa Pilipinas nga mas manubo sa Australia nga 2 out 5 kag sa Singapore nga 1 out 7.
Sa pihak sang sini nga data, ginpahayag ni De Guzman nga makaalarma sa gihapon ang amo nga kaso kag nagakadapat hatagan sang igtalupangod.
Pila sa mga nakita nga solusyon sang natungdan amo nga dapat pasangkarun ang mental health services, kag dugang nga licensed kag professional mental health personnel sa mga buluthuan sa pungsod.
