Ginpasirado kag ginkandaduhan sang Pasig City LGU ang Bleu Hotel and KTV Bar nga ginapanag-iyahan sang asawa kag anak ni former Congressman Mike Defensor.
Suno sa National Bureau of Investigation (NBI), involved ang establishment sa human trafficking kag sex exploitation.
Abril 24, sang ginpasaka ang reklamo nga paglapas sa Republic Act 9208 (Anti-Trafficking in Persons Act) sa mga ginpangdakop nga mga tinawo sang bar kag sa mag-iloy nga Julie kag Miguel Defensor.
Wala gindakop ang mag-iloy nga Defensor nga nalakip sa ginkasuhan sang human trafficking complaint matapos napat-ud nga si Julie ang president kag chairman, samtang si Miguel ang treasurer.
Na-rescue naman ang 54 ka mga babaye nga ginabaligya sa mga kliyente.
Hugot naman nga ginpanginwala sang asawa nga Defensor ang akusasyon kag nanindugan nga wala sila sang koneksyon sa mga nasambit nga establisimyento.
