ILOILO CITY- Ginlaragway sang kura paroko sang Sta. Monica Parish sa Pavia, Iloilo kun ano nga sahi sang tawo si anay Iloilo 2nd District Congressman Arcadio Gorriceta.
KURA PAROKO, PAROKYA SANG STA. MONICA SA PAVIA, ILOILO
Sa interview sang Bombo Radyo kay Rev. Fr. Renato Cuadras, kura paroko sang Sta. Monica Parish sa Pavia, Iloilo, iya ginpahayag nga Diyosnon, maalam kag mapisan ang anay mamalidha nga suno kay Cuadras naghatag sang madalom nga kahulugan sa kabuhi sang anay opisyal.
Suno pa kay Father Cuadras, si Gorriceta ang isa ka tawo nga may integridad, katampad, kag kaayo sang tagipusuon rason nga madamo man sang mga proyekto sa banwa nga napuslan gid sang mga pumuluyo.
Gintuad naman ni Fr. Cuadras nga sadto pa man, naistoryahan na nila sang anay mamalidha ang mangin detalye sang iya haya sa diin naghingyo gid ini nga ihaya siya sang tatlo ka adlaw sa adoration chapel sang Sta. Monica Parish.
