Nagapati si President Ferdinand ‘Bongbong’ Marcos, Jr. nga kun masunod lang sang husto ang plano nga major reorganization sa pila ka ahensya sang gobyerno, posible nga malapit na lang ang Pilipinas sa rice self-sufficiency sa masunod nga duha ka tuig.
Ginpahayag ini sang presidente matapos ang meeting sa Department of Agriculture (DA) kag sa National Irrigation Administration (NIA).
Ginsaad sang presidente nga kinahanglan diri ang kooperasyon kag kooperasyon sang duha ka nasambit nga ahensya amo man sa Department of Public Works and Highways (DPWH) kag sa National Economic and Development Authority (NEDA).
“So our next meeting will be that. Nandiyan na lahat ng mga concerned agencies, and we will present the timetable as to what needs to be done, what forms of coordination need to be done,” pahayag ni Marcos.
Ang Rice Competitiveness Enhancement Fund (RCEF) program gintukod sa idalom sang Republic Act No. 11203 ukon Rice Tariffication Law agud ma-improve pa ang competitiveness sang mga mangunguma sa tunga sang rice trade policy liberalization.
Lakip pa sa ginahimo sang gobyerno amo ng pagpatuman sang estratehiya agud nga mapasaka ang produksyon sang bugas, pagkumbinse sa irrigators associations kag farmers nga magtanum sang hybrid rice seeds, kag pag-adoptar sa alternate wetting kag drying technique bilang water-saving technology para sa irrigated lands. ##
