MIAG-AO, ILOILO – Patay ang lalaki matapos nadagdag sa puno sang narra sa Baybay Norte, Miag-ao, Iloilo.
Ang biktima amo si Joebert Santerba, 30 , residente sang nasambit nga lugar.
Sa exclusive interview sang Bombo Radyo kay Police Captain Joevito Bose, hepe sang Miag-ao Municipal Police Station, iya ginpahayag nga posible nadagdag nagikan sa ibabaw sang kahoy ang biktima.
Bangud sa tuman kabaskog nga impact sang pagkadagdag sini, naglubong ang iya ulo sa duta.
Nakita sa iya tupad ang flashlight kag bayong nga ginabutangan sang iya hinuptanan nga pating.
Wala naman sang may nakita nga foul play sa natabo nga insidente.
