ILOILO CITY – Ginkumpirmar sang Philippine Air Force nga naglubong sa lunang ang landing gear sang C-130 plane sa kilid sang runway sa Catarman, Samar Airport runway.
Suno kay Philippine Air Force spokesperson Ma. Consuelo Castillo, naglubong sa lunang ang wala nga landing gear sang aircraft samtang nga naga-manuever para sa isa ka 180 degree turn agud nga maghanda para mag-take off.
Pahayag ni Castillo, maulanon ang tyempo rason nga naghumok ang bahin sang hilamunon nga duta kun sa diin maliso ang aircraft.
Wala naman sang reported damage sa aircraft kag wala sang aircrew nga nasamaran.
Pagkatapos sang maid-id nga inspection, ginpahayag ni Castillo nga naka-take off ang aircraft kag naghugpa sa Mactan, Cebu.
Sang nagligad nga semana, nagmandu si President Ferdinand “Bongbong” Marcos Jr. sa Philippine Air Force kag Armed Forces of the Philippines nga magpatigayon sang regular checkups sa air assets agud nga masiguro ang airworthiness.
