Makaluluoy subong ang sitwasyon sang isa ka lapsag matapos ginpaliguan sang nagaindakal nga tubig sang iya yaya sa Marikina City.
Ang lapsag amo si alyas “Marcus”, isa ka tuig ang edad samtang ang yaya sini amo si alyas “Ruby”, 57-anyos.
Gilayon nga gindala ang lapsag sa Amang Rodriguez Memorial Medical Center.
Makaligad ang duha ka adlaw, ginkinahanglan nga ipaidalom sa scraping ang nasunog nga panit kag kinahanglan man nga tuslukan sang pampatulog ang bata.
Nagdugang pa gid ang kabalaka sang mga ginikanan matapos ginsiling sang ospital nga indi nila masarangan ang nasambit nga procedure.
Suno sa ospital, tubtob sa 30% degree burn lang ang masarangan nila.
Nahibaluan nga 40% degree burns ang naangkon ni Marcus.
Nadismaya pa gid ang ospital nga ginhambalan sila nga mangita na lang sang lain nga ospital.
