ILOILO – Ginhangkat ni Liga ng mga Barangay President Irene Ong si Mr. Roy Defiño, direktor sang Department of the Interior and Local Government-Iloilo City nga magpasa man sang iya resignation bangud siya mismo ang wala man nakahibalo sang iya katungdanan.
Ini ang nangin pahayag ni Ong matapos nga ginpahayag ni Defiño nga mahimo makapasa sang ila resignation ang mga barangay officials kun indi na nila makaya ang ila mga katungdanan.
Sa interview sang Bombo Radyo kay Ong, iya ginpahayag nga indi sila daw kaangay sang isa ka superhero nga mahimo ubrahon ang tanan nga ginahatag sa ila.
Suno kay Ong, katungdanan lang nila ang mag pahibalo kag mag assist sa mga kinahanglanon sang pumuluyo kag indi na sakop sini ang magpangdakop sang mga naga bayolar bangud katungdanan na ini sang mga otoridad.
Dugang sang natungdan, indi siya pabor sa pag deputized sang mga barangay officials bangud kun ihatag pa sa ila ang katungdanan sa pagpangdakop sa mga nagabayolar wala na sang trabaho ang Public Safety Transportation and Management Office kag kapulisan.
Nagakadapat man suno kay Ong nga magbuligay ang tanan nga ahensya sang gobyerno sa baylo nga ihatag lang sa ila ang tanan nga trabaho.
