Wala sang plano ang Liga ng mga Barangay sa siudad sang Iloilo nga magbulig sa mga involved nga indibidwal sa pag-abusar sang cash assistance nga para kuntani sa mga naapektuhan sang bagyo.
Ginpahayag ini ni Councilor Irene Ong, presidente sang Liga ng mga Barangay sa siudad, matapos ginpasaka sang Department of Social Welfare and Development ang kaso-administratibo sa barangay officials nga involved sa AICS scandal.
Sa interview sang Bombo Radyo kay Councilor Ong, iya ginpahayag nga hugot ang iya desisyon nga bisan sa idalom sini ang mga opisyales sang barangay nga involved sa kaso, indi siya magbulig sa mga opisyal bangud sala gid ang mga gin-ubra sang mga opisyales.
Dugang man niya, wala siya sang ideya sa mga ginpang-ubra sang mga nasambit nga mga opisyales.
Madumduman nga base sa fact-finding and investigation team sang DSWD nga ginapangunahan ni Assistant Secretary Paul Ledesma nga ginpatigayon sang Nobyembre 24, indi matapos ang tuig kag makilal-an ang mga involved nga mga opisyales.
Gilayon naman nagguwa ang inisyal nga lista sang ila pangalan kasunod sang pag-file sang kaso.
