ILOILO – Ginadayaw sang Molo Police Station ang mga barangay sa ila nga distrito nga nakapasar sa drug clearing operation nga ginpatigayon sang Philippine Drug Enforcement Agency, Department of Health kag Department of Interior and Local Government kag Philippine National Police.
Sa interview sang Bombo Radyo kay Pol Maj Engelbert Banquillo, hepe sang Molo Police Station iya ginpahayag nga ang pagpasar sang pila ka mga barangay sa drug clearing operation ang nagapakita lang sang pagpanikasog sang tagsa ka mga barangay officials sa ila nga distrito.
Gina tudlo ni Banquillo nga rason kun ngaa wala nakapasar ang iban nga barangay amo ang bangud madamo pa sang mga drug surrederees ang wala nakatapos sang rehabilitation program.
Suno kay Banquillo, may yara sang masobra sa 15 ka mga barangay sa distrito sang Molo ang nagapply apang lima lang ang nakapasar kag may yara pa sang 12 nga wala natigayon nga makapasar.
Ang mga nakapasar nga mga barangay amo ang Brgy. Avaceña, Poblacion, San Antonio, South Fundidor kagTaal.
Sa pihak sini suno sa natungdan, gina tinghuaan nila nga mangin drug cleared man ang bilog nga distrito sang Molo kag madula na ang mga ilegal nga aktibidad may kaangtanan sa ilegal nga droga.
