Magadihon sang resolusyon ang lima ka mga senador nga maga mandu sa National Telecommunications Commission nga pasugtan ang ABS-CBN nga maka operate pagkatapos nga mag expire ang ila prangkisa sa Mayo.
Ang lima ka senador amo sanday Sen Sonny Angara, Nancy Binay, Sherwin Gatchalian, Joel Villanueva kag Juan Miguel Zubiri kag nakatalana nila nga ipasa sa Marso 2, anum ka session days bag-o 2-month break sang kongreso.
Suno kay Sen Joel Villanueva, ang nasambit nga resolusyon ang may katuyuan nga mahatagan sang provisional authority sang nga mapalawig pa ang ila prangkisa tubtob Desyembre 31.
Samtang madumduman nga una na nga nagpasa sang joint resolution sanday Senate Minority Leader Franklin Drilon kag Sen Ramon ‘Bong’ Revilla nga may kaangay man nga katuyuan.
