ILOILO CITY- Wala na sang pagginutok kag malawig nga linya sang mga pasahero sa Mohon Terminal sa Arevalo sa ikaapat nga adlaw sang pagpatuman sang Local Public Transport Route Plan (LPTRP).
Sa interview sang Bombo Radyo kay Councilor Lyndon Acap, Operations Manager sang Mohon Terminal, iya ginpahayag nga ini ang maayo ng resulta sang pag-provide sang kopya sang mga ruta sang Public Utility Jeepneys(PUJ) agud maggiya sa mga pasahero.
Suno kay Acap, may yara man sang tarpaulin nga may detalyado nga mapa sang ruta nga ginalabyan sang mga PUJs.
Nahibaluan duha ang ruta halin sa amo nga terminal nga ginalakipan sang Mohon to Infante Loop kag Mohon to Mandurriao Business District.
