MANILA – Ginkumpirma sang Bureau of Treasury nga nagdangat sa P3.22 trillion ang utang sang gobyerno humalin sang Enero tubtub Oktubre subong nga tuig bangud sa COVID-19 response.
Suno kay National Treasurer Rosalia de Leon, nagsaka sa 233% ang utang sang gobyerno sa una nga 10 ka bulan subong nga tuig.
Ini ang mas mataas kun ipaanggid sa P967.56 nga utang sang gobyerno sa kaangay man nga binulan sang 2019.
Sa nasambit nga kantidad, P2.65 billion ang naghalin sa domestic lenders kag ang nabilin nga P574.44 billion ang naghalin sa external creditors.
Ang gross domestic nga utang sang gobyerno ang ginalakipan sang P420.31 billion sa Treasury bills, P561.91 billion sa Treasury bonds, P827.11 billion sa Retail Treasury Bonds, kag P840 billion sa short-term loans sa Bangko Sentral ng Pilipinas (BSP).
Sa utang naman sa luwas sang pungsod, ini ang ginalakipan sang P364.64 billions sa program loans kag P23.73 billion sa project loans halin sa bilateral kag multilateral partners.
Ang Foreign debt ang ginalakipan man sang P67.33 billion funds nga natipon halin sa euro bond sang Pebrero kag P118.74 billion sa global bonds.
