Ulihi nga nasiplatan ang Low Pressure Area sa kalayuon nga 970 km nasidlangan sang Eastern Visayas kag yara na sa sulod sang Philippine Area of Responsibility.
Wala ini sang direkta nga epekto sa pungsod apang ginalantaw nga may tyansa nga mag-develop ini sa isa ka tropical cyclone sa sulod sang 24-48 ka oras samtang nagahulag ini padulong sa Northern Luzon.
Kun mahimo na ini nga tropical cyclone, pagatawgon ini nga Chedeng. Kun matabo, ini man ang mangin ikatatlo nga tropical cyclone subong nga tuig kag ikaduha subong nga bulan sang Hunyo.
May ginamonitor man nga isa pa ka low pressure area sa guwa sang western portion sang Philippine Area of Responsibility.
Ini nga weather system wala man sang direkta nga epekto sa pungsod apang posible nga magpabaskog sang southwest monsoon ukon Habagat.
Sa subong, ang Habagat nagaapekto sa western section sang Southern Luzon. #
