Maayo nga balita para sa mga nagagamit sang liquefied petroleum gas!
Epektibo subong nga aga, nagbuhin ang presyo sang LPG.
Suno sa Solane, maga-implementar ini sang rollback nga P3.36 per kilogram nga katumbas sang P33 nga buhin sa 11-kilogram LPG tank.
Suno kay LPG Marketers Association founder Arnel Ty, ini nga rollback ang kasunod sang mas manubo na nga shipping and transport costs.
Matandaan nga una na nga daan nga gin-anusyo ang inisyal nga rollback sa LPG matapos ginkakas sang gobyerno ang excise tax.
Kun basehan naman ang Petron Corporation, ang Petron Gasul kag Fiesta Gas cylinder types and variants ang may rollback man nga P3.36 per kg (VAT inclusive) as of April 18.
