ILOILO CITY- May bag-o na nga Officer in Charge- Regional Director ang Land Transportation Franchising and Regulatory Board Region 6.
Ini amo si Atty. Salvador Jun Altura Jr. nga una na nga nagpungko bilang legal kag hearing officer sang ahensya.
Sa interview sang Bombo Radyo kay Atty. Altura, epektibo ang iya pagpungko sa posisyon sang Marso 11.
Suno kay Altura, base sa ginpagwa nga Office Order halin sa Department of Transportation, gin-reassign ang anay Regional Director nga si Richard Osmeña sa Central Office agud mag-uyat sang pila ka mga programa.
