Nagalala ang kondisyon ni Philippine track and field legend Lydia De Vega-Mercado bangud sa gina-suprer nga kanser.
Ang anak sini nga volleyball player nga si Paneng Mercado-de Koenigswarter ang nagkumpirma nga naga-suprer ang iya iloy sang breast cancer halin sang 2018.
Suno sa anak, nakapaidalom na ang iya nga iloy sa lain-lain nga procdures lakip sa brain surgery apang gulpi man nga naglala ang iya nga ginabatyag.
Nagapanawagan man ang pamilya sang bulig-pinansyal.
Kilala si De Vega-Mercado bilang “Asia’s fastest woman” sa iya prime years sang 1980s.
Naghatag man ini sang kadalag-an sa Pilipinas paagi sa pagtiglawas sang pungsod sa Asian Athletics Championships, Asian Games kag Southeast Asian Games.
Sa SEA Games, siyam gid ka gold medals ang ginauyatan ni De Vega-Mercado.
May duha man siya ka gold medals sa Asian Games.
Tubtub sang 2020, siya ang nagadala sang national record sang Pilipinas sa women’s 100-meter dash sa iya napagkit nga time nga 11.28 seconds.
Sa opening ceremonies sang 2019 SEA Games sa Manila, isa man siya sa nangin flag bearers sang Pilipinas.
