MAASIN, ILOILO – Ginatun-an na sa subong sang Local Government Unit (LGU) sang Maasin, Iloilo nga maka deklara sang state of calamity bangud sa kakulang sang tubig.
Sa interview sang Bombo Radyo kay Maasin Mayor Mariano Malones, iya ginpahayag nga nakapasa na sila sang sulat sa Municipal Disaster Risk Reduction and Management Office (MDRRMO) may kaangtanan sa problema sang mga pumuluyo.
Suno kay Malones, may yara sang 50 ka mga barangay ang Maasin kag 32 diri ang nagpalab-ot sang ila problema sa tubig sa diin madamo sang mga tuburan ang nagkalahubsan bangud sa mainit nga tyempo ukon ‘weak’ El Niño.
Dugang pa sang natungdan, kinahanglan nga maka deklara na sang state of calamity ang banwa sang Maasin agud nga magamit na sang tasa ka mga barangay ang ila calamity fund.
Kabug-osan nga P4 million ang halit sa palay kag mais sa nasambit nga banwa.
Sa subong, ginatinguhaan sang bulk water kag LGU sa Maasin nga mahatagan sang libre nga tubig nga ilimnon ang mga barangay nga apektado sang El Niño.
