TARLAC – Napun-an sang kasubo ang lubong sang mag-iloy nga ginluthang-patay sang pulis sa Paniqui, Tarlac.
Ang mga biktima amo sanday Sonia Gregorio, 52 nga amo ang iloy kag anak sini nga si Frank Anthony Gregorio, 25, residente sang Barangay Cabayaoasan, Paniqui, Tarlac.
Samtang ang nangluthang naman nga pulis amo si Police Senior Master Sgt. Jonel Nuezca, naka-destino sa Parañaque City Crime laboratory unit.
Nahibaluan nga nag-viral ang video sang mga biktima kaupod ang suspek kag ang iya anak samtang nagabaisay tubtub ginpatay sang pulis ang mag-iloy.
Ginatos naman ka mga tawo ang nagtambong sa lubong sa Paniqui Garden of Angels Memorial Park.
Sa subong, preso na si Nuezca kag nagapangatubang sang kaso kriminal nga double murder kag kaso administratibo.
Sang tuig, 20219, duha ka kaso sang grave misconduct for homicide ang ginpasaka kay Nuezca apang sa ulihi, ginbasura sang korte bangud sa kakulang sang ebidensya.
Gindemote naman si Nuezca bangud sa isyu sang extortion sang tuig 2014.
