Nagluntad ang isa ka mabaskog nga linog kagab-i, Hunyo 26, sa Davao Occidental nga may kabaskugon nga magnitude 6.6.
Suno sa Philippine Institute of Volcanology and Seismology (PHIVOLCS), ang sentro sang linog na-record sa 90 kilometers southwest sang Balut Island, Sarangani, nga may kadalumon nga 10 kilometro.
Nabatyagan ang Intensity V sa Kiamba, Sarangani, samtang Intensity IV sa Don Marcelino kag Santa Maria sa Davao Occidental.
Nabatyagan man ang Intensity III sa Davao City kag Matanao, Davao del Sur, samtang Intensity II sa Digos City kag iban pa nga lugar sa Davao de Oro.
Sa instrumental intensities, Intensity V ang na-record sa Malapatan, Sarangani kag T’boli, South Cotabato.
Intensity IV naman sa iban nga banwa sa Sarangani kag South Cotabato.
Padayon nga ginabantayan sang mga otoridad ang posible pa nga aftershocks kag mga epekto sini sa imprastruktura.
