MANILA – Ginkumpirma ni Cabinet Secretary Karlo Nograles subong nga Mierkules, Marso 11, nga sabton sang Philippine Health Insurance Corporation (PhilHealth) ang gasto sang mga pasyente para sa coronavirus disease 2019 (COVID-19) test.
“The last thing we want is for our citizens to worry about medical costs and expenses. Their only concern should be their well-being and the well-being of their families,” pahayag ni Nograles, isa man ka miyembro Inter-Agency Task Force for the Management of Emerging Infectious Diseases.
Suno pa kay Nograles, naga-‘overtime’ ang gobyerno agud mabutangan sang nagakaigu nga testing kits ang mga lugar nga apektado sang COVID-19.
“The President recognizes that everyone in the country is concerned about COVID-19 and the threat this poses to the health and lives of our loved ones, especially vulnerable individuals like senior citizens,” dugang pa sang opisyal.
Nagpasalig man ang opisyal nga ginapadasig na sa subong ang deployment sang mga kits agud gilayon man nga magamit sang mga pumuluyo.
Ginakinahanglan sa subong nga i-validate sang mga eksperto ang 500 ka mga tests agud ‘ma-meet and standards’ nga gintalana sang Food and Drug Administration (FDA).
“Once it passes the clinical tests, the FDA will grant full access by all hospitals, as guided by the DOH,” pahayag sang opisyal.
Nahibaluan nga sa subong nga Mierkules, naglab-ot na sa 49 ang positibo nga kaso sang COVID-19 sa Pilipinas.
