Ginakabig sang Federation of Free Farmers nga isa ka sahi sang pagpatalang ang pahayag sang Malacanang nga dumilian ukon i-ban ang pag-import sang bigas sa tion sang harvest season sa Pilipinas.
Matandaan nga sang Mayo 15, nagpagwa ni Presidente Rodrigo Duterte sang Executive Order No. 135, nga nagapanubo sang taripa sang mga imported nga bugas halin sa ASEAN countries.
Ini ang nagtuga naman sang kahangawa sa mga mangunguma sa diin posible magresulta naman ini sa pagbarato sang baligya-anay sang humay sa mga local producers.
Ang moratorium naman sa mga import ang may limitado lang nga epekto bangud ang mga traders ang magadala lang sang ila shipment antes ang pagpatuman sang ban.
Ang mga merkado kag warehouse ang mapuno sa gihapon sang mga barato nga imported nga bugas sa tion nga mag-umpisa na sa pagharvest ang mga mangunguma.
