Gin-report sang Philippine Coast Guard (PCG)nga 42 tanan ka Chinese maritime militia vessels ang nagalibot malapit sa Pag-asa Island matapos ini una nga nakit-an sang weekend.
Ginapahayag nga 4.5 to 8 nautical miles ang kalayuon sang vessels halin sa Pag-asa Island.
Sandig sa 1982 United Nations Convention on the Law of the Sea kag sa 2016 South China Sea Arbitral Award, ang observed location sang Chinese vessels ang nasulod pa sa 12-nautical mile territorial sea sang Pag-asa island nga iya sang Pilipinas.
Suno pa sa PCG, isa ka sahi sang harassment ang presensya sang mga barko sang China sa amo nga area.
“For PCG, we have sovereignty over the territorial sea around Pag-asa Island. The presence of these Chinese vessels… is a form of harassment of our sovereignty. They are doing nothing there,” pahayag sang PCG.
Ginmanduan man ang tanan nga Coast Guard personnel nga naka-deploy sa West Philippine Sea nga idokumento ang tanan nga hulag sang Chinese government vessels ilabi na kun may dugang nga harassment nga himuon.##
