ILOILO CITY – Padayon pa nga ginapangita ang masobra 40 ka mga tawo matapos nga naglugdang ang isa ka migrant boat sa Italian island sang Lampedusa.
Suno kay United Nations High Commissioner for Refugees representative to Italy Chiara Cardoletti, ang barko ang nagkapan sang Huwebes kag lakip sa mga missing amo ang isa ka bag-ong bun-ag nga bata.
Ang barko ang naghalin sa Stax sa Tunisia dala ang 46 ka mga migrants nagikan sa Cameroon, Burkina Faso kag Ivory Coast.
Nagkapan ini bangud sa mabaskog nga hangin kag matag-as nga balod.
Ang pila sa mga survivors ang gindala sa Lampedusa kag ang iban ang gindala balik sa Tunisia.
Lakip sa mga missing ang pito ka mga kababainhan kag isa ka menor de edad.
Ang mga nakaluwas naman ang lunsay mga lalaki.
Ang trahedya ang natabo pila ka adlaw matapos nga naghisugot ang mga European Union ministers nga islan ang pagsulundan nga i-share ang pagbaton sang asylum seekers kag migrants.
