Nagtuga sang dako nga halit sa publiko ang nagluntad nga sunog sa Parola, Binondo, Manila, kahapon sang hapon, Mayo 23.
Base sa ginpaguwa nga datos sang Manila Department of Social Welfare (MDSW), naglab-ot na sa masobra 700 ka mga pamilya ang apektado sang sunog.
Suno naman sa Manila Public Information Office, nagsugod ang paglapta sang kalayo alas-3 sang hapon kun sa diin madasig nga naglapta ang kalayo tubtob nga naglab-ot na ini sa Task Force Charlie ukon high-level fire alarm.
Padayun man nga ginaberipika sang Manila Department of Social Welfare (MDSW) ang numero sang mga indibidwal nga nasunugan ilabi na ang mga yara subong sa Delpan Evacuation Center.
Nahibaluan nga padayun man nga naga-monitor ang Local Government Unit sa lugar agud man mahatagan ang mga apektado sang sunog sang nagakaigo nga mga bulig.
