ILOILO CITY – Nagdangat na sa 330,000 ka mga tawo sa Sudan ang nagbiya sa ila puluy-an bangud kag masobra sa 100,000 ka iban pa ang naggwa sa nasambit nga pungsod bangud sang kinagamo.
Suno sa United Nations High Commissioner for Refugees, masobra sa 800,000 ka mga tawo ang posible nga nagpadulong sa iban nga pungsod kadungan sang nagapadayon nga tensipn sa tunga sang Sudanese army kag paramilitary group.
Suno naman sa United Nation- International Organization for Migration, ginabanta 334,000 ka mga tawo ang na-displace bangud sang inaway nga nagsugod sang Abril 15.
Ang numero sang mga tawo nga apektado sa sulod sang duha ka semana ang naglapaw na sa conflict-related displacement sa Sudan sang 2022.
Samtang, ginpahayag sang United Nations nga ang 2023 aid appeals para sa Sudan ang nabuhinan sang $1.5 billion ukon P83-billion kag 14 percent lamang ang napondohan.
