Gindeklarar ni President Ferdinand R. Marcos Jr. ang Mayo 27, 2026 (Myerkules sa masunod nga semana) bilang regular holiday sa bilog nga Pilipinas bilang pag-upod sa mga Pilipino nga Muslim sa obserbasyon sang Eid al-Adha ukon ang Feast of Sacrifice.
Ginhimo ang deklarasyon paagi sa Proclamation 1264 nga pirmado ni Executive Secretary Ralph Recto kag ginsapubliko subong nga gab-i.
Ang proklamasyon ang kasunod sang rekomendasyon halin sa National Commission on Muslim Filipinos matapos ang pagsugod sang 1447 Hijrah Islamic Lunar Calendar.
Sa idalom sang Republic Act 9849, ginakilala ang Eid’l Adha bilang regular holiday sa pungsod.
Ang Eid’l Adha amo ang isa sa duha ka major Islamic feasts lakip na ang Eid al-Fitr nga simbolo sang pagtuo, sakripisyo, pagkamaalwan, kag pag-ulikid sa mga nagakinahanglan.
Ang selebrasyon sang Eid’l Adha nagamarka man sang pagtakop sang Hajj pilgrimage sa Mecca nga isa sa lima ka pillars sang Islam.
Nahibaluan nga sais porsyento sang kabug-usan nga populasyon sang Pilipinas amo ang Muslim Filipinos.
