Gin-akusaran ni Davao City Mayor Baste Duterte nga daw kaangay nga nagahulag nga sindikato si President Ferdinand Marcos Jr.
May kaangtanan ini sa ginpahayag niya nga koordinasyon sang gobyerno sa International Criminal Court sa pagka-aresto sang iya amay nga si anay President Rodrigo Roa Duterte sang nagligad nga tuig 2025.
Suno sa iya sa ginpatigayon nga PDP Laban national assembly, klaro nga wala sang hurisdiksyon ang ICC sa Pilipinas, bangud gin-withdraw sang pungsod ang membership sini sang 2019.
Dugang pa sang alcalde, indi dapat magsugot ang mga Pilipino sa ginakabig sini nga indi maayo nga pagtratar sang administrasyon sa bug-os nga Pilipinas.
Nahibaluan nga nagapabilin sa gihapon sa ICC detention center si former Pres. Duterte bangud sa ginapangatubang sini nga crimes against humanity bangud sa iya war on drugs sa idalom sang iya administrasyon.
