ILOILO CITY- Nagpanugyan si Iloilo City Mayor Jerry sa sin- o man nga appointee ni President Ferdinand Marcos Jr. nga magpakita sang 100% nga loyalty sa presidente kag kun indi nila ini mahimo, mas maayo nga untaton nalang sang mga ini ang ila koneksyon kay Marcos.
Sa interview sang Bombo Radyo kay Mayor Jerry Treñas, iya ginpahayag nga may yara sang “unwritten rules” sa gobyerno nga kinahanglan nga magbinuligay kag suportahan ang pinuno sang pungsod.
May kaangtanan naman sa ginhimo ni Vice President Sara Duterte nga pag-upod sa rally nga nagapanawagan sang pag-resign ni Marcos, gintawag sang alkalde nga libagon ang ginhimo sang bise- presidente.
Suno pa sa iya, kun sin-o man nga opisyal sang gobyerno nga indi makapamalibad nga magtambong sa kaangay nga rally, mas maayo nga magpanaog na lang sa pwesto.
Sa nangin panawagan naman ni Former speaker kag subong Davao del Norte 1st District Representative Pantaleon Alvarez nga mag-withdraw sang suporta kay Marcos ang Armed Forces of the Philippines (AFP), ginsiling sang alkalde nga unfair ini ilabi na nga yara ang Pilipinas sa sitwasyon nga mas kinahanglan sang presidente ang suporta sang mga pumuluyo batok sa pagpang-harass sang China.
