ILOILO CITY- Dismayado si Iloilo City Mayor Jerry Treñas sa ginhimu sang traffic enforcer nga pagbuya sang mga malain nga mga tinaga kag pagsipa sa ginabyahe nga salakyan sang isa ka taxi driver sa komprontasyon nga natabo sa dalan Delgado, Iloilo City Proper.
Sa interview sang Bombo Radyo kay Mayor Jerry Treñas, iya ginpahayag nga paimbestigaran niya ang natabo kag dapat may magtupa gid nga disciplinary action sa traffic enforcer.
Suno kay Treñas, kabahin sa ginaubra nga paghatag sang serbisyo publiko ang pagmintinar sang ginatawag nga decorum(politeness).
Ginpaathag ni Treñas nga madamo sang paagi para maresolba ang problema nga indi kinahanglan dal-on sa kainit sang ulo.
